Baixamar en Lordelo (O Grove) (130x97) (IX-2013)

A luz que se atopa no barrio de Lordelo (O Grove) é moi semellante á que gozamos en San Tomé, por iso é un dos meus recantos preferidos desa vila.

Xa se publicou o meu último traballlo en formato caderno de viaxe. O meu querido RIBADEO.

Estes son algunhos dos debuxos que poden verse no interior do caderno. Está publicado pola Asociación Cultural Casa das Letras de Ribadeo.

Cartel anunciador da Festa do Albariño 2013 (70x50)

O noso compañeiro blogueiro e pintor,  Eduardo Baamonde foi o encargado de deseñar o cartel das festas do Albariño deste ano.

Sesión de acuarela al aire libre en Cambados (VII-2013)

Josebe Arrillaga gravou esta sesión de acuarela ao aire libre polas rúas de San Tomé. Agardo que vos animedes a debuxar os fermosos recantos que temos no Salnés.

Rúa Pintor C.Sobrino (San Tomé- Cambados) (VII-2013)

San Martiño de Agudelo (Barro)

Onte comencei cunha tranquila e prometedora xornada de pintura ao aire libre aproveitando a fermosa imaxe que ofrece esta capela que conserva un ábside do século XII. Mágoa que a aparición da intempestiva choiva botara abaixo ás miñas expectativas.

Outro recanto do Paseo de San Tomé (4-VI-2013)

Paseo de San Tomé no solpor (3-VI-2013)

Por fin un verdadeiro día de primavera: sol, brisa suave, un mar fantástico e as últimas luces do día nun dos meus recantos preferidos de Cambados.

Obra premiada cun accésit no 6º certame de pintura rápida de Rábade (2-VI-2013)

Agardando turno na barbería Fariña

Calquer lugar é bo para debuxar o que atopas ao teu redor. Nesta primavera, que segue dando tan poucas oportunidades para saír á rúa, tiven que botar man dos interiores, salas de espera, mercados, aulas, etc. par facer apuntes.

Kiosco na Rúa das Rodas (V-2013)

Cun inverno tan desapacible -por non escribir outras cousas- como o que aínda soportamos, faise difícil saír a debuxar por Cambados adiante, pero tan pronto como sae un día un pouco bo resulta moi agradable pasear na bicileta e sentarse a debuxar algún recanto da nosa vila como este.

150º aniversario da publicación de "Cantares gallegos"

Neste ano celebramos o 150º aniversario da publicación de "Cantares gallegos", o primeiro gran poemario de Rosalía de Castro  A pasada fin de semana aproveitei o frío e a choiva para relelo . Nada que ver co pouso que me deixara fai tantos anos que nin me lembro. Aínda que voltei a ler esporádicamente algún poema, nunca tiven tan claro que se trata dunha escritora moito máis moderna -quizáis, debería decir actual-, sensible, instruida e viaxeira, polo menos de alma, do que imaxinaba. Por iso a represento máis xoven e fermosa do que aparece nesa popular imaxe que tanto serve para un festival poético como para unha marca de empanadas de lamprea.