POR RICARDO DOMINGUEZ REY
Fai pouco mais de dous meses neste mesmo blog, Xaquín Charlín
facía referencia nun breve pero interesante artigo ao importe
total imposto en multas pola policía local de Cambados no período comprendido entre agosto e outubro de 2012 e que ascendía a uns 30.000 euros e deixaba ao xuízo do lector se era pouco ou moita dita cantidade para tal período de tempo (a min, persoalmente,paréceme excesivo) ; tamén no Salnés foi e é moi sonado o enfrontamento que leva a cabo a totalidade do persoal da policía local do O Grove co seu edil de seguridade cidadán, o cal acusaba aos axentes de poñer poucas multas e estes ao edil de premelos para que multasen mais, baixo ameaza de que repercutiría negativamente no cobro das horas extras.
total imposto en multas pola policía local de Cambados no período comprendido entre agosto e outubro de 2012 e que ascendía a uns 30.000 euros e deixaba ao xuízo do lector se era pouco ou moita dita cantidade para tal período de tempo (a min, persoalmente,paréceme excesivo) ; tamén no Salnés foi e é moi sonado o enfrontamento que leva a cabo a totalidade do persoal da policía local do O Grove co seu edil de seguridade cidadán, o cal acusaba aos axentes de poñer poucas multas e estes ao edil de premelos para que multasen mais, baixo ameaza de que repercutiría negativamente no cobro das horas extras.
Vai por adiante o meu total recoñecemento á tarefa que levan a
cabo as policías locais e, en xeral, todos os corpos e forzas de seguridade do
estado; os que por motivos profesionais (como é o meu caso) nos apoiamos
no seu traballo, sabemos o importante que é a labor que levan a cabo e
que, non sempre, é debidamente recoñecida. Tamén ten ocorrido , en ocasións,
que ante a intención, por parte da administración, de pechar, por exemplo, un
cuartel da garda civil, a presión do pobo, para que non se levase a cabo, foi
tan clamorosa que fixo dar marcha atrás tal decisión porque os veciños saben,
mellor ca ninguén, da tranquilidade e da seguridade que da ter cerca a
esta institución (coma ao resto dos corpos de seguridade).
Pero tal recoñecemento (repito mais que xustificado), non é óbice
para criticar cando o fan mal e sobre todo ante a actualidade de casos como o
anteriormente mencionado de O Grove no que asemella que as actuacións da
policía local dese concello intentan converterse nunha ferramenta recaudatoria;
¿onde van parar tódolos cartos que se recadan por parte do concello de
Cambados? ¿cando remata o ano faise un balance de a que destinan tales
fondos ou pasan simplemente á tesouraría?.
Eu, simplemente, quería, contarvos hoxe un par de anécdotas
de dous membros da policía local de Cambados, dous membros de la “vieja
guardia” para que vexades que non sempre son de todo xustos e
profesionais que deberían ser; son anécdotas que eu presenciei en persoa, con
estes olliños que comeran a terra e reflexan a mala praxe
levada a cabo por ditos axentes; certo é que xa ocorreron fai bastante
tempo e que non representan, de ningunha maneira a tódolos seus membros, os
cales, cónstame que levan a cabo o seu traballo, na maioría dos casos,
con gran profesionalidade.
Viaxamos no tempo ata finais do ano 1998, unha maña, como
calquera outra, unha das xuíces que leva a cabo a sua labor
nos xulgados de Cambados, estaciona o seu vehículo na paseo marítimo, cerca do
Restaurante Reboredo (como facía habitualmente) e onde xa estaban estacionados
unha ducia de vehículos aproximadamente e marcha a traballar ás dependencias
xudiciais que daquela estaban na rúa Ourense, moi preto da Casa Consistorial.
Unha vez rematada a súa xornada laboral,( arredor das 3 da tarde) e ao ir a
buscar o seu automóbil, descubre que non se atopa onde o estacionou; tras o
desconcerto inicial, decide achegarse á base da policía local, situada nun
lateral da Casa Consistorial; salientar que dita xuíz, leva poucos meses en
Cambados, non é moi coñecida e por tanto cando se dirixe o posto da policía,
pensa que non é necesario identificarse como tal, atribuíndo a “desaparición”
do seu vehículo a un erro da grúa municipal e presentándose, simplemente,
coma unha cidadán mais; unha vez alí, cando comeza a contarlle ó
policía que lle atende (policía hoxe en dia xubilado), todo a súa peripecia, observa
que no rostro de dito axente comeza a aflorar un sorriso, que se vai
acrecentando cada vez mais; o axente lle informa que esa maña íase levar a cabo
o asfaltado da rúa onde ela estacionou o seu vehículo e que por iso foi
retirado pola grúa municipal; a xuíz, (sen seguir identificándose como tal)
tras expresarlle o seu malestar, primeiro, por non indicar, con
anterioridade que alí non se estacionase e, tras levarlle o vehículo,por
non deixar ningún tipo de nota no lugar (sobre o destino onde foi a parar
o seu auto), pregúntalle onde o levaron, para ir recollelo, pois xa perdera
demasiado tempo; o axente, co sorriso no seu rostro, xa de forma
permanente, dille que antes deberá abonar o enganche e a multa
correspondente.
A sorpresa desta boa muller é monumental,non salia do seu asombro
e trataba de explicarlle ao axente que cando ela chegou non había ningún
tipo de sinal de tráfico que prohibise estacionar e que, ademais, xa
habían estacionados no lugar unha ducia de vehículos (reafirmando así que non
so ela actuou de forma totalmente correcta); o axente, sen negarlle que tivese
razón no que dicía, insístelle en que, para retirar o seu vehículo do deposito
municipal, deberá pagar o anteriormente mencionado; a muller, ante a actitude
persistente do axente de non querer entrar en razón, identifícase, dille quen é
ela e esíxelle que chame ó seu superior, pois considera que neste caso
non están actuando de forma correcta.
De repente prodúcese un feito extraordinario, o axente que ata
ese momento sentíase seguro tras o mostrador e amosaba un sorriso permanente no
rostro, cambia de cara, ponse pálido e transfórmase nunha especie de
aparcacoches do mais servizal, que tras dicirlle que todo se tratara dun
erro, pídelle as chaves, que el mesmo ira a buscar o seu vehículo;
eu, que era testigo directo de toda escena, observo que a xuíz bótalle a mirada
mais fría que un ser humano lle pode botar a outro e espétalle : “¿un erro?,
fai un minuto non pensaba o mesmo, axente” e a continuación dille “¿e o
resto dos coches que como o meu estaban alí estacionados, o súa retirada supoño
que tamén seria un erro, ¿non?”.
(Eu non teño a capacidade de ler as mentes, pero pola cara que
estaba poñendo o axente supoño que estaría pensando porque carallo aquela maña,
cando ía para traballar non o atropelaría, por exemplo, un tren de
mercancías; dende logo o seu rostro reflexaba que nese momento desexaría estar
en calquera lugar menos alí).
O policía, cunha rapidez servizal digna de mención acude presto
a buscar o vehículo “retirado por error” ao depósito municipal e
achégano ao súa dona; esta, tras recibir por enésima vez, desculpas por
parte do susodito policía municipal e montar no seu vehículo, ponse a
pensar en como acabará a historia para os homes e mulleres que, como ela,
estacionaron aquel dia, alí o seu vehículo e que, desgraciadamente, non
correrían a mesma sorte que ela.
Volvemos a viaxar no tempo, vamos agora a mediados de 1997,
en concreto, a un humilde taller de carpintería de Vilariño, unha maña
atopábase no mesmo o capataz con uns cantos traballadores, nese momento entra
un policía local (este segue en activo), o “Harry El Sucio” cambadés (e amante
da bicicleta, en realidade, de unha en concreto)...... eu sempre que me cruzaba
con el, co revolver ben visible na cintura, non podía deixar de lembrar a
escena do “El bueno, el feo y el malo”, pensando que pararía alguén na
rúa, para retalo, na praza do concello, a un duelo a morte, cando o reloxo
dese as 12.
Como dicía, preséntase neste taller e coméntalle ó capataz que se
poderían mover os vehículos, estacionados na rúa, pois, os operarios municipais
que se atopan fora van realizar obras de mantenemento nesa rúa; o capataz
explícalle que si ben poderían mover case todos os vehículos, un deles non
seria posible pois o traballador, dono de vehículo, atopábase instalando
uns mobles de cociña en Vilagarcía, levando as chaves do vehículo consigo. O
axente, tras amosar un xesto de contrariedade, solicítalle, que pola tarde
fagan o favor de non estacionar alí para que poidan realizar ditas obras, cousa
que así lle asegura o capataz do taller que se fará. Sen embargo, uns 20
minutos mais tarde, este capataz, tras escoitar barullo na rúa, sae a mesma, e
observa que a grúa municipal, esta levantando o vehículo de dito operario,
seguindo as instrucións de dito policía, para cambialo de sitio; o capataz,
indignado, ante o posible dano que lle puideran haber ocasionado ao vehículo
(recordemos, correctamente estacionado), atravesa dous vehículos, un por diante
e outro por detrás da grúa municipal e avisándolle ao policía local que de alí
non se ia a mover nin Deus ata que viñese dito operario para verificar que o
seu vehículo non sufrira danos; o policía, ante a lóxica reacción do capataz, e
coa “humildade”( vamos, coa chulería) que sempre o caracterizou , sacou o seu
bloc de multas, e comezando a tomar os datos dos vehículos que inmobilizaban
á grúa municipal, díxolle ao capataz, que o ía denunciar, este, a
duras penas, logra conter as ganas de botarlle as mans ó pescozo do policía e
esganalo alí mesmo;logo dun rato, e tras chegar o traballador e
verificar que o vehículo non sufrise danos, achegouse ó concello, explicoulle o
acontecido ó alcalde e o seu malestar pola actitude despótica e abusiva de dito
municipal; finalmente o alcalde aseguroulle que dita denuncia non quedaría en
nada (como así foi).
Como dicía ao principio isto non reflexa para nada a liña xeral
da policía local de Cambados que, como sinalaba ó principio soe ser moi
profesional; tamén é digno de mención, campañas como a levada a cabo fai uns
anos pola policía local do concello de Vilagarcía de Arousa, na que, durante o
período das festas do Nadal, quizais, movidos polos sentimentos propios
desa época, ante as infraccións dos automobilistas, en vez de multalos,
optaban por entregarlle unha nota, na que lle reflexaban a infracción cometida
e a importe da multa si se lle fose imposta e tras desexarlle boas festas
lembráballe a importancia de cumprir co código de circulación; accións coma
esta penso que a veces consigue mais efecto que unha sanción económica e seria
desexable que se repetisen con mais frecuencia.
Sen mais un saúdo a todos
RICARDO
DOMINGUEZ REY
No hay comentarios:
Publicar un comentario